Fyrsti fundur ársins var
haldinn inn í Básum á Goðalandi 25. ágúst í yndislegu veðri. Lagt var af stað frá
Hvolsvelli á glæsilegri Austurleiðarrútu og var ritarinn okkar, Finnbogi
Óskarsson, bílstjóri. Ágúst Ingi og Grétar stóðu grillvaktina með miklum sóma.
Hluti ferðamanna gekk Básahring á meðan aðrir gerðu allt klárt. Ísólfur spilaði á gítarinn og við sungum nokkur lög. Góðir gestir voru
með okkur og allir jákvæðir og reiðubúnir í væntanlegt starfsár. Á leið heim varð
að stoppa reglulega og taka myndir því sólarlagið og veðrið var einstaklega
fallegt þetta kvöld.